Hai uns días, saíu unha noticia curiosa, á par que culinaria: comer bichos para matar a fame no mundo. O titular rezaba así:
La ONU insta a comer insectos para combatir el hambre en el mundo
A primeira reacción foi de sorpresa (pardiez!), mais a segunda foi unha reflexión. Igual non está tan mal. Case un tercio da poboación mundial consome estes animaliños a diario. Na lista dos favoritos están os escaravellos, vermes, abellas e formigas, seguidos doutros tantos seres con múltiples patas e antenas...
Despois de tantos séculos fuxindo deles, tentando o seu exterminio e buscando todos os modos posibles de desfacernos destes seres, resulta que nos convén botalos na ensalada a modo de picatostes. (Adeus, Cucal)
Segundo os expertos, hai os motivos que defenden o seu uso culinario van máis alá dos límites do gusto: existen razóns medioambientais, ecolóxicas, agropecuarias, económicas, sanitarias, culturais e nutricionais que respaldan o seu uso como alimento.
.jpg)
- Parece ser que expulsan menos dióxido de carbono e metano á atmosfera, o que, a diferenza do gando que actualmente se explota, non favorece o chamado "efecto invernadoiro".
- Son un recurso natural do bosque e da selva, un elemento abundante na natureza que esta nos brinda e está por explotar.
- Promover o seu consumo nas zonas tropicais, onde está máis aceptado, evita a globalización das dietas cara ao modelo occidental. En Occidente, pese a poder rexeitarse nun principio, espérase o seu acollemento, así como se fixo con outros pratos (o sushi, concretamente, que é peixe cru)
- Son unha fonte natural de proteínas, graxas, vitaminas, fibra e minerales, chegando a ser equiparables en proporción cunha ración de carne ou peixe.
E agora... alguén se imaxina a Arguiñano preparando algo "rico, rico" a base de moscas e saltamontes? (ñam, eh?)
Persoalmente, creo que nun principio si poderían causar algo de rexeitamento. Non sería o típico entrante que pediría nun restaurante, mais por que non probar? Quizais o gusto por eles veña pouco a pouco, especialmente sabendo se son ou non tóxicos. Na miña opinión, de saber que seguen un proceso regulado por unhas normas sanitarias controladas, non diría que non a probalo... que hai que perder? Xa o dicía o Rei León... (vídeo) Viscoso... pero sabroso!
Outras fontes:
_______________________
Aquí deixo os enlaces para quen se atreva a poñer as antenas diante dos fogóns:
Canto ao título, para botar unha risada, o vídeo de Contigo no, bicho
E para @s que queiran pasar un bo rato apto para todos os públicos, unha das miñas películas infantiles favoritas: "Bichos"
No hay comentarios:
Publicar un comentario